धारे-धार बोहाही

गुरुजी के जेब ल,
साहब खोजत हे,
साउ सिधवा मनखे ल,
भरका म बोजत हे,
शिक्षाकर्मी गुरुजी,
साहब हे डिप्टी,
गुरुजी ल भोभरा के,
माँगत हावे फिफ्टी,
जकजकहा बानी
डिफ्टी हावे,
दिखत हे दरूवाहा,
मुहू ल निकले बोली हर,
निचट हे करुवहा,
एकरे सेती,
अधिकारी, नेता के,
मापदंड होना चाही,
छूट म बने
नेता अधिकारी,
आइसनेहे भोकवा आही,
त भोकवा नेता,
गदर मताही, अउ
भोकवा अधिकारी मेछराही,
बारा हाल होही जनता के,
धारे-धार बोहाही।