नवागढ़ के धरती के महिमा

हाय रे 2 महान हावै राम, नवागढ़ के धरती ह महान हावै रे ।।टेक।।

इहे बिराजे महमाया अऊ, इहे शीतला देवी रे संगी ।
इहे बिराजे शक्ति माता, इहे गायत्री देवी  ।। 1 ।।

इहे बिराजे शिव शारदा, इहे लक्ष्मी देवी रे संगी ।
इहे बिराजे काली माई , इहे चण्डी देवी ।। 2 ।।

इहे बिराजे राम कृष्ण अऊ, इहे हवै बजरंगी रे संगी ।
इहे बिराजे बुढा देव् जी, उडै धजा सतरंगी ।। 3 ।।

इहे बिराजे लक्ष्मी नारायण , इहे भैरव बाबा है संगी ।
इहे बिराजे श्री गणेश जी, रक्षक भोले बाबा  ।। 4 ।।

जगह-जगह में संत समाधी,ओ हवै गुरू चरणा रे संगी ।
रामनाथ ध्रुव अरज करत हे, राखहू अपने शरणा ।।5।।