हमर नवागढ़ के महिमा

नवागढ़ लगथे जइसे तीरथ धाम ।
इहें मोर जनम भूमि करत हौ प्रणाम ।।

उत्तर में भैरव बाबा नगर के रखवार ।
दक्षिण में भोले नाथ नगर के डिहवार ।।

पूरब में बूढ़ा महादेव राम-कृष्ण जिव के अधार ।
पश्चिम में शारदा मइया ज्ञान के भंडार ।।

मानाबंद महामाया शक्ति अपार ।
सुरकी तीर महालक्ष्मी अन्न-धन्न भंडार ।।

पंचायत महावीर बल बुद्धि के विशाल ।
हमर सबो काम के जल्दी करत निहाल ।।

नगर बीच श्री गणेश सिद्धि के दाता ।
ठाकुर देव बूढ़ादेव हमर सुख के दाता ।।

गणेश मंदिर तीर शमी वृक्ष शनिदेव जइसे लागत ।
देवता के पूजा बर पाना ल लेगत ।।

पुराना किला मात्र निशान ।
ओही में शिव शारदा विराजमान ।।

जुड़ावन बंद तीर में लक्ष्मीनारायण मूर्ति महान ।
चाँदाबंद पार में शक्ति माता प्रधान ।।

चारो कोती देवी देवता आनंद बरसावत ।
अइसे जगह में हमर में हमर भाग लहलहावत ।।

जगह-जगह सती अउ संत के स्थान ।
देखब में आथे गुरुचरण के निशान ।।

गुरुघासी दास बाबा के बने जैत खाम ।
सतनाम के पुजारी मन करत प्रणाम ।।

मस्जिद में समय-समय में अजान देवत ।
मुस्लिम भाई मन सब से प्रेम निभावत ।।

छोइहा नाला तीर बने गुरुद्वारा ।
सिख्ख भाई मन के लगत दरबारा ।।

सबो कोती तरिया नरवा आम निस्तार ।
रामनाथ बलिहारी जाव अइसे हमर नगर के विस्तार ।।